Një grua shtetase e Shqipërisë është arrestuar, pasi e njëjta dyshohet se ka fyer dhe ka sulmuar fizikisht zyrtarët policorë.
Fillimisht, njësitë policore i kanë dhënë urdhrin të dyshuarës që të ndalohet për kundërvajtje në komunikacion, por e njëjta ka filluar t’i fyej dhe t’i sulmoj fizikisht, me ç’rast një zyrtar policor është dërguar për tretman mjekësor si pasojë e lëndimeve.
Në raportin ditor të Policisë së Kosovës është bërë e ditur se e dyshuara pas intervistimit me vendim të prokurorit është liruar në procedurë të rregullt.
Ngjarja ka ndodhur pasditen e djeshme në magjistralen Ferizaj – Kaçanik, derisa rasti është iniciuar “Sulm ndaj personit zyrtar”.
Njoftimi i policisë:
“Është arrestuar e dyshuara shtetase e Shqipërisë pasi e njëjta ka fyer dhe sulmuar fizikisht zyrtarët policor të cilët e kanë ndaluar pasi kishte shkaktuar kundërvajtje në komunikacion. Lidhur me rastin, si pasojë njëri nga viktimat ka pranuar tretman mjekësor, ndërsa e dyshuara pas intervistimit me vendim të prokurorit është liruar në procedurë të rregullt”, thuhet në njoftimin e policisë./teve1.info/
