Policia e Kosovës ka njoftuar për aksidentin dje në fshatin Terstenik të Drenasit, ku humbi jetën një person.
Ngjarja ndodhi të enjten, kur një veturë u përplas me një motoçikletë.
Si pasojë e aksidentit, drejtuesi i motorit ka ndërruar jetë në vendin e ngjarjes, ndërsa pasagjeri që ndodhej me të ka pësuar lëndime trupore.
Policia ka konfirmuar se me vendim të prokurorit, trupi i pajetë është dërguar për obduksion, ndërsa drejtuesi i veturës, i dyshuar për shkaktimin e aksidentit, është arrestuar dhe pas intervistimit është dërguar në mbajtje.
“Fsh. Terstenik, Drenas / 17.04.2025 – 15:07. Është raportuar për një aksident trafiku në mes të një veture dhe një motoçiklete, ku përveç dëmeve materiale drejtuesi i motorit viktima mashkull kosovar ka ndërruar jetë ndërsa pasagjeri mashkull kosovar ka pësuar lëndime trupore. Me vendim të prokurorit trupi i pajetë është dërguar në obduksion ndërsa i dyshuari kosovar drejtuesi i veturës është arrestuar dhe pas intervistimit është dërguar në mbajtje”, thuhet në raport./teve1.info/
