Është arrestuar pronari, i cili ditë më parë ka grushtuar qenin e tij në mes të Prishtinës.
Kështu ka bërë të ditur Fondacioni për të Drejtat e Kafshëve në një postim në faqen e tyre në Facebook, ku thuhet se më urdhër të Prokurorit kujdestar i njëjti është ndaluar për 48 orë.
“Jemi njoftuar zyrtarisht që sot, me datë 03.05.2024 rreth orës 09:50 është arrestuar personi i dyshuar. I njëjti është intervistuar ne cilësinë e të dyshuarit ku tek adresa e tij është kërkuar qeni që është keqtrajtuar por nuk është gjetur. Pas intervistimit dhe veprimeve te ndërmarrura me urdhër te Prokurorit kujdestar, i dyshuari dërgohet ne mbajtje për 48 orë. Është lajm i mirë që personi po është dërguar në mbajtje për 48 orë por gjithsesi që ne kërkojmë nga Prokuroria që të dënohet me burgim efektiv dhe t’i ndalohet mbajtja e qenve”, është thënë në njoftim.
Tutje, thuhet se kërkojnë nga Prokuroria dënim maksimal.
“Qeni i shkretë nuk gjendet dhe me shumë gjasë ose ka vdekur nga lëndimet e rënda ose është dërguar dikun, pasi që Policia ka marrë urdhër për ta arrestuar personin 4 ditë pas keqtrajtimit të qenit. E falënderojmë Policinë e Kosovës për veprimet e ndërmarra, dhe presim që Prokuroria të kërkojë denim maksimal për abuzuesin”.
