Sipas njoftimit të PK-së, i dyshuari është i moshës 33-vjeçare.
“Policia Rajonale e Ferizajt, pas një pune intenzive hetimore , grumbullimit të informacioneve në terren kanë identifikuar e më pas kanë arrestuar të dyshuarin A.K (M/K) i moshës 33 vjeçar”, thuhet në njoftim.
Nga PK-ja kanë bërë të ditur se i dyshuari është duke u shoqëruar në Policinë Rajonale të Ferizajt.
“I dyshuari është duke u shoqëruar në Policinë Rajonale të Ferizajt, përkatësisht Sektorin Rajonal të Hetimeve, për veprime tjera hetimore”, thuhet më tej në njoftim.
Policia sot bëri të ditur se një 11-vjeçar dhe një 21-vjeçar janë plagosur në fshatin Drajkovc të Shtërpcës. Ata u plagosën nga arma e zjarrit, nga persona të cilët ishin me një automjet të udhëtarëve në lëvizje, që po qarkullonte nga Shtërpca në drejtim të Ferizajt. /Teve1.info/
