Policia e Kosovës ka arrestuar I.A, i njohur me nofkën “Liza” që ishte në kërkim që disa vite.
Ai është i dyshuar për vrasje të rëndë.
Arrestimi i tij është bërë të dielën rreth orës 17:00 në Batllavë.
“Si rezultat i angazhimeve dhe hetimeve të pandërprera të Policisë së Kosovës, sot me datën 16.07.2023, rreth orës 17:00, në Batllavë të Podujevës është arrestuar i shumë kërkuari (I, A,) i njohur me nofkën “Liza”. I njëjti ishte në kërkim policor për disa vite me radhë, si i dyshuar për vepër penale të vrasjes së rëndë. Arrestimi i tij është kryer, pas bashkëpunimit dhe koordinimit të njësiteve të ndryshme policore, përfshirë sektorin e narkotikëve të cilët kanë asistuar deri në arrestimin e tij”, thuhet në njoftimin e Policisë së Kosovës./teve1.info/
