Të hënën rreth orës 22:30 një person është arrestuar në Pejë, pasi që i njëjti në gjendje të dehur ka sulmuar fizikisht zyrtarët policorë në një lokal atje.
Policia e Kosovës ka njoftuar se zyrtarët policorë kishin shkuar në atë lokal, pasi kishin pranuar informatën se është duke ndodhur një rrahje mes disa personave.
“I dyshuari pasi është arrestuar dhe dërguar në stacion ka vazhduar me sjellje agresive duke sulmuar fizikisht edhe një zyrtar policor të cilit i ka shkaktuar lëndime dhe kanosur me vrasje”, thuhet në raportin 24-orësh të policisë.
Sipas PK-së, zyrtarit policor i është ofruar tretman mjekësor, ndërsa i dyshuari me vendim ë prokurorit është dërguar në mbajtje.
