Policia ka njoftuar se ka kryer bastisje në shtëpitë e dy të dyshuarve për vrasjen e 42 vjeçarit sot në Skenderaj.
Siç njofton policia në shtëpinë e të dyshuarit i cili gjendet ende në arrati është gjetur dhe konfiskuar një armë e gjatë, një karikator me 30 fishekë e gjithashtu edhe 15 fishekë të një kalibri tjetër.
Ndërsa i dyshuari tjetër H.I 62 vjeçar është arrestuar derisa i janë konfiskuar tri armë dhe me urdhër të prokurorit është ndaluar për 48 orë.
“Nga veprimet e deritanishme hetimore është realizuar bastisje në shtëpinë e të dyshuarit ku është gjetur dhe konfiskuar një armë e gjatë, një karikator me 30 fishekë e gjithashtu edhe 15 fishekë të një kalibri tjetër. Ndërsa në cilësi të të dyshuarit është arrestuar i dyshuari H.I.,62 vjeçar të cilit i janë konisfkuar tri armë-revole, ndërsa në kërkim policor mbetet edhe një person tjetër i dyshuar.
Pas intervistimit me aktvendim të prokurorit të rastit, të dyshuarit i është caktuar masa e ndalimit për 48 orë.Hetuesit e Sektorit Rajonal të Hetimeve së bashku me prokurorin e shtetit po vijojnë hetimet për arrestimin edhe të një personi tjetër të dyshuar si dhe zbardhjen e plotë të rrethanave të këtij rasti”, thuhet në njoftimin e policisë.
