Është arrestuar një zyrtar policor i komunitetit serb në veri në aksionin i cili është duke u zhvilluar kundër kontrabandës dhe armëve.
Tëvë1 ka mësuar se i njëjti dyshohet për bashkëpunim me kontrabandues.
Ndryshe, Njësitet e Policisë së Kosovës janë duke zhvilluar aksion në veri të vendit.
Ndërsa, zëdhënësi i policisë, Baki Kelani ka thënë se operacioni policor ka të bëjë me luftimin e veprimtarive kriminale, të kontrabandimit me armë dhe municion.
Ndërkohë, në aksionin e policisë po marrin pjesë edhe Prokuroria, ku bastisjet janë duke u kryer në 21 lokacione, kështu ka bërë të ditur për tëvë1, Valon Preteni nga Prokuroria Themelore në Mitrovicë.
