Nga Policia kanë bërë të ditur se i njëjti dyshohet për thirrje dhe nxitje të urrejtjes e përçarjes.
“Gjatë manifestimit në Gazimestan një (1) person shtetas i Serbisë është shoqëruar në stacion policor, pasi i njëjti dyshohet për thirrje dhe nxitje të urrejtjes e përçarjes. Po ashtu lidhur me rastin të gjitha veprimet e mëtejme do të realizohen në bashkëpunim dhe koordinim me prokurorin kompetent”, thuhet në njoftim.
Po ashtu, Policia ka njoftuar se sot në orët e mëngjesit në pikat kufitare Vermicë dhe Kullë, gjatë kontrollit policorë zyrtarët kufitar në tri raste të ndara kanë ndaluar për kontrolle dhjetë (10) persona serb shtetas të Malit të Zi.
Sipas PK-së, gjatë kontrollit në bagazhet e automjeteve të tyre janë hasur disa ndërresa (maica) të dyshuara me mbishkrime të nxitjes së urrejtjes.
“Lidhur me rastet janë kontaktuar prokurorët kompetent, me vendim të të cilëve personave në fjalë iu është refuzuar hyrja në Kosovë, përderisa ndërresat (maicat) me mbishkrime të ndryshme janë konfiskuar”, thuhet në njoftimin e Policisë.
Sot Policia e Kosovës ka përcjell ngjarjen në manifestimin në Gazimestan. /teve1.info/
