Një person është arrestuar nga Policia e Kosovës, pasi që i njëjti dyshohet se ka tentuar ta dhunojë një të mitur.
Sipas njoftimit të PK-së, rastin në Stacionin Policor në Istog e ka raportuar viktima bashkë me prindin e saj, ku më pas e njëjta është intervistuar në prezencë të punëtorit për punë sociale, psikologut dhe mbrojtësit të viktimave.
Ngjarja ka ndodhur më 21 shkurt të këtij viti në Pejë, ndërkaq i dyshuari është kontaktuar nga Policia dy ditë pas rastit, por i njëjti nuk është lajmëruar.
Sot, pas intervistimit nga hetuesit, i dyshuari me vendim të prokurorit të shtetit është dërguar në mbajtje për 48 orë.
