Policia e Kosovës ka arritur ta arrestojë një person, i cili dyshohet për vrasjen e trefishtë që ka ndodhur mesditën e sotme në Gjilan.
Burime të Tëvë1 mësojnë se i arrestuari është familjar i të dyshuarit që ka kryer krimin.
Ndërkohë, Policia e Kosovës e ka shpallur në kërkim Mefail Shkodrën si të dyshuar kryesor për vrasjen e tre personave.
Përmes njoftimit, Policia ka kërkuar ndihmën e qytetarëve për lokalizimin e tij.
Të dhëna të tjera për të nuk janë bërë të ditura, por që është publikuar edhe fotografia e të dyshuarit.
“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim të lokalizimin dhe arrestimin e të dyshuarit, lëshon këtë kërkesë për bashkëpunim me qytetarë dhe mediat. Policia e Kosovës, Drejtoria Rajonale Gjilan kërkon nga qytetarët dhe mediat që kushdo që ka informacion për vendndodhjen e personit në foton e bashkangjitura, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: [email protected] dhe numrat kujdestarë:192; 03850807001. Të dhënat e juaja do të ruhen në konfidencialitet të plotë”, thuhet në njoftim.
Ndërkohë, në vendin e ngjarjes kanë qenë njësitet relevante dhe prokurori i shtetit.
Tëvë1 më parë raportoi se motivi i vrasjes dyshohet të jetë për fajde. Ndërkaq të njëjtat burime bëjnë të ditur se dy prej viktimave dyshohet të jenë babë e bir. /teve1.info/
Policia shpall në kërkim të dyshuarin për vrasjen e trefishtë në Gjilan
