“Policia e rajonit të Prishtinës, respektivisht, njësiti i hetimeve të stacionit policor Qendra, ka arrestuar një të dyshuar për veprat penale: Mashtrim, Falsifikim dokumenti, si dhe Legalizim i përmbajtjes së rreme”, thuhet në njoftim.
Sipas policisë thuhet se i dyshuari ka mashtruar persona duke përfituar shuma të parave nga viktimat, dhe ka falsifikuar kontrata shitblerjeje me palë.
“Sipas informacioneve të deritanishme, janë ngritur dyshimet se, i dyshuari duke prezantuar rrethana të pavërteta ka arritur të mashtroj së paku shtatë persona dhe të përfitoj nga viktimat rreth 99.500 euro, duke u premtuar të njëjtëve shitjen e pronës në një para lagje të Prishtinës. I njëjti përmes mashtrimit dhe falsifikimit dyshohet të ketë lidhur disa kontrata shitblerjeje me palë të ndryshme vlera e të cilave arrin qindra mijëra euro”, thuhet në njoftimin e policisë.
I dyshuari me vendim të prokurorit është dërguar në mbajtje për 48 orë, kurse janë në kërkim edhe dy të dyshuar të tjerë që dyshohet të jenë të implikuar në rastin e njëjtë.