Prokuroria Speciale ka njoftuar se të premten është arrestuar një person me inicialet R.D., nën dyshimin se ka kryer veprën penale “Krim lufte kundër popullatës civile”.
Sipas njoftimit, dyshohet se veprimet e tij kanë ndodhur gjatë periudhës së luftës në Kosovë.
“Prokuroria Speciale, në bashkëpunim me Policinë e Kosovës, përkatësisht hetuesit nga Sektori për Hetimin e Krimeve të Luftës, është duke ndërmarrë dhe do të ndërmarrë të gjitha veprimet e nevojshme hetimore, në përputhje me Kodin e Procedurës Penale dhe legjislacionin në fuqi,” thuhet në komunikatën zyrtare.
Në njoftim nuk janë dhënë detaje të mëtejshme lidhur me krimet për të cilat dyshohet i arrestuari.
