Në Prizren, Policia e Kosovës ka arrestuar një person nën dyshimin se ka kanosur tre zyrtarë policorë gjatë kryerjes së detyrës së tyre.
Ngjarja ka ndodhur në rrugën “Rrust Kabashi”, ku sipas raportit 24-orësh, i dyshuari ka kërcënuar policët që ishin në krye të detyrës.
Autoritetet kanë njoftuar se për rastin është informuar prokurori kompetent dhe hetimet po vazhdojnë në procedurë të rregullt./teve1.info/
