Policia e Kosovës ka arrestuar një person të dyshuar për gjuajtje me armë zjarri që ka ndodhur të hënën në Prishtinë.
Sipas njoftimit zyrtar, pas një pune hetimore dhe operacionale, Drejtoria e Policisë së Kryeqytetit ka arritur të identifikojë dhe arrestojë të dyshuarin A.K., 29 vjeç, ndërsa është sekuestruar edhe arma që dyshohet se është përdorur në rast.
Në koordinim me Prokurorin e Shtetit, ndaj të dyshuarit është iniciuar rasti për veprën penale “Përdorim i armës apo mjetit të rrezikshëm”, ndërsa ai është dërguar në mbajtje për 48 orë.
Policia ka bërë të ditur se hetimet lidhur me rastin janë duke vazhduar.
