Një person është arrestuar në Prishtinë, pasi që i njëjti dyshohet për armëmbajtje pa leje.
Policia ka bërë të ditur se ndaj të dyshuarit është iniciuar rasti për veprën penale “Mbajtje në pronësi, kontroll dhe posedim i paautorizuar i armëve’’.
“Sot rreth orës 01:30 një njësi policore e stacionit të veriut në Prishtinë, ka ndaluar një person në Rr. Selim Berisha, ku të njëjtit pas kontrollit i është gjetur dhe sekuestruar një armë zjarri.Personi i dyshuar është shoqëruar për në stacion policor, ku në koordinim me prokurorin e shtetit ndaj tij është iniciuar rast për veprën penale “Mbajtje në pronësi, kontroll dhe posedim i paautorizuar i armëve”, thuhet në njoftimin e policisë./teve1.info/
