Një person është arrestuar nga Policia e Kosovës në qytetin e Vushtrrisë, pasi dyshohet se ka sulmuar dy zyrtarë policorë gjatë një ndalese në trafik.
Ngjarja ka ndodhur në rrugën “Mbretëresha Teutë”, ku i dyshuari, i cili ishte duke udhëtuar me motoçikletë, nuk ka respektuar urdhrat e policisë për të ndaluar dhe më pas ka goditur dy zyrtarët.
Lajmi është konfirmuar në raportin 24-orësh të Policisë së Kosovës, ku thuhet se:
“I dyshuari, mashkull kosovar, nuk i është ndalur urdhrave të zyrtarëve policorë dhe më pas i ka sulmuar fizikisht duke i goditur ata.”
Si pasojë e incidentit, dy zyrtarët policorë kanë pësuar lëndime dhe kanë pranuar trajtim mjekësor.
“Të dy zyrtarët kanë kërkuar ndihmë mjekësore dhe janë trajtuar në institucionet përkatëse shëndetësore,” thuhet më tej në raport.
I dyshuari është arrestuar në vendin e ngjarjes dhe pas intervistimit është marrë vendimi për ndalimin e tij.
“Me vendim të prokurorit, i dyshuari është dërguar në mbajtje,” ka njoftuar Policia.
Rasti është cilësuar si “Sulm ndaj personit zyrtar” dhe është duke u trajtuar nga Prokuroria kompetente në bashkëpunim me njësitet përkatëse hetimore.
