Një person është arrestuar të mërkurën në Mitrovicë të Veriut pasi sulmoi dhe kanosi zyrtarët policorë dhe zyrtarët e KEDS-it.
Në komunikatë thuhet se rasti ka ndodhur gjersa zyrtarët policorë ishin duke asistuar zyrtarët e KEDS-it për vendosjen e njehsorëve të energjisë elektrike në lagjen Kroi i Vitakut.
Sipas Policisë një zyrtar policor ka pranuar tretmanin mjekësor pasi ishte goditur me mjet të fortë.
Po ashtu bëhet e ditur se gjatë bastisjes në shtëpinë e të dyshuarit është gjetur dhe sekuestruar sasi e konsiderueshme e mjeteve për prodhimin e kriptovalutave.
“Me datën 18.11.2024 njësitë policore nga Drejtoria Rajonale e Policisë- Mitrovicë Veri, në kuadër të detyrave të rregullta gjersa ishin duke asistuar zyrtarët e Kompanisë Kosovare per Distribuimin e Energjisë Elektrike (KEDS) për vendosjen e njehsorëve të energjisë elektrike në lagjen Kroi i Vitakut janë kanosur nga një banor (R.R.) i lindur më 1986. Pas kërcënimeve te vazhdueshme dhe sulmit ndaj zyrtareve policorẽ, i dyshuari është arrestuar. Një zyrtar policor ka pranuar tretmanin mjekësor pasi ishte goditur me mjet te forte. Mbi dyshime te bazuara dhe te arsyeshme njësitë policore kanë kryer bastisje në shtëpinë e personit ku kanë të cilat janë sekuestruar dhe janë dërguar në terminalin doganor. Tẽ gjitha veprimet e ndermarra i janë paraqitur Prokurorit të rastit, ku pas intervistimit, me aktvendim të prokurorit i dyshuari dërgohet ne mbajtje për 48 orë. Policia vazhdon të mbetet e pěrkushtuar per ofrim tě shërbimeve ndaj të gjithë komunitetit pa dallim si dhe do ti sjellë para organeve të drejtēsisë të gjithë personat që bien ne kunděrshtim me ligjin”, thuhet në komunikatë.
