Një person është arrestuar pasi dyshohet se pas një mosmarrëveshje e ka goditur me motoçikletë dhe i ka shkaktuar lëndime trupore një shtetasi të huaj.
Në raportin 24-orësh të Policisë thuhet se rasti ka ndodhur të shtunën në rrugën “Agim Ramadani” në Prishtinë.
Viktima bëhet e ditur se është dërguar për trajtim mjekësor në Qendrën Klinike Universitare të Kosovës, ndërsa i dyshuari me vendim të prokurorit është dërguar në mbajtje.
“Është arrestuar i dyshuari kosovar nën dyshimin se i njëjti derisa ishte duke drejtuar motoçikletën, pas një mosmarrëveshje e ka goditur me motoçikletë viktimën mashkull shtetas të huaj, të cilit i ka shkaktuar lëndime trupore. Viktima është dërguar për tretman mjekësor në QKUK, ndërsa i dyshuari me vendim të prokurorit është dërguar në mbajtje”, thuhet në raportin e PK-së./teve1.info/
