Një person është arrestuar në Podujevë nën dyshimin për organizim të skemave piramidale.
Policia ka bërë të ditur se në lokalin e tij janë gjetur dhe sekuestruar disa pajisje si prova materiale.
“Është arrestuar i dyshuari mashkull kosovar lidhur me veprën e lartcekur dhe nga lokali i të njëjtit si prova janë sekuestruar: një skaner, dy shtëpiza kompjuterike, letra për printim dhe fletë dëshmi në formë të printuar për lojëra të fatit dhe para të gatshme”, thuhet në raportin 24-orësh.
Pas intervistimit, me vendim të prokurorit kujdestar, i dyshuari është dërguar në mbajtje.
