Një person është arrestuar të enjten në Podujëvë nën dyshimin për falsifikim të dokumenteve
Sipas policisë, A.B. dyshohet se ka përdorur një vulë jozyrtare, duke falsifikuar dokumente për regjistrimin e së paku një automjeti.
Policia ka bërë të ditur se i dyshuari është dërguar në mbajtje.
“Sot në Podujevë nga zyrtarët e Njësitit të Hetimeve të Përgjithshme të Rajonit të Prishtinës, është arrestuar një person të dyshuar për veprën penale falsifikim i dokumenteve. Personi i arrestuar A.B, (mashkull), dyshohet se duke përdorur një vulë jozyrtare, ka falsifikuar dokumente për regjistrimin e së paku një automjeti. Me urdhër të prokurorit kompetent, është kryer kontroll në zyrën e tij – agjenci sigurimi, ku janë gjetur dhe sekuestruar një vulë dhe disa prova materiale që ndërlidhen me rastin. Pas intervistimit, me vendim të prokurorit, i dyshuari është dërguar në mbajtje”, thuhet në njoftimin e Policisë së Kosovës.
