Policia e Kosovës të mërkurën në Pejë ka arrestuar një person nën dyshimin për veprën penale “Kanosje ndaj personit zyrtar”.
Policia ka bërë të ditur se i arrestuari po drejtonte automjetin me patentë shofer me afat të skaduar dhe se i njëjti nuk kishte pranuar urdhrin e zyrtarëve policorë që veturën ta drejtonte dikush tjetër.
Ai më pas sipas njoftimit fillon tё bërtas dhe kanos viktimën zyrtarin policor.
Policia ka bërë të ditur se me vendim të prokurorit personi i dyshuar është dërguar në mbajtje për 48-orë.
“Drejtoria Rajonale e Policisё Pejё, Stacioni Policor nё Pejё, me datё 04.10.2023, rreth orёs 20:30, nё rrugën “ Mbretëresha Teutё” nё Pejë, ёshtё ndaluar i dyshuari, i cili ishte duke vozitur veturën me targa vendore, pas verifikimit nga zyrtari Policor, rezulton se i dyshuari e ka tё ndaluar drejtimin e automjetit pёr shkak se patentë shoferin e ka nën masën mbrojtëse (sekuestruar), ndaj tё njëjtit ёshtё shqiptuar gjoba dhe ёshtё kërkuar qё veturën ta drejtoj dikush tjetër”, thuhet në njoftim.
