Një person është arrestuar të dielën në Obiliq, pasi dyshohet se ka sulmuar fizikisht gjyqtarin kryesor gjatë një ndeshjeje futbolli.
Sipas Policisë, incidenti ka ndodhur si pasojë e pakënaqësisë së të dyshuarit me rrjedhën e lojës. Ai dyshohet se ka ushtruar dhunë ndaj gjyqtarit në fushë.
Viktima ka pësuar lëndime dhe është dërguar për trajtim mjekësor, ndërsa i dyshuari është ndaluar nga autoritetet.
Pas intervistimit, me vendim të prokurorit, i dyshuari është dërguar në mbajtje për procedura të mëtejme ligjore.
“Është arrestuar i dyshuari mashkull kosovar pasi që, i njëjti në shenjë pakënaqësie në një ndeshje futbolli kishte sulmuar fizikisht gjyqtarin kryesor të ndeshjes viktimën m/k. Viktima është dërguar për tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në njoftim. /teve1.info/
