Policia e Kosovës ka arrestuar një person të dyshuar për ‘tregti të ndaluar’.
Përmes një njoftimi, policia ka bërë të ditur se rreth orës 07:05 në fshatin Dobravë të Leposaviqit, pasi kanë identifikuar një veturë të dyshimt të njëjtin kanë arritur ta ndalin për kontroll, raporton teve1.info
Gjatë kontrollit Policia e Kosovës, në veturën të cilën e drejtonte një serbë kanë hasur në një sasi të mallrave të cilat dyshohet se nuk kanë kaluar nëpër procedura doganore nga territori i Serbisë përmes rrugëve ilegale.
“Patrulla policore e kufirit, gjatë kontrollit të veturës të cilën e drejtonte një shtetas i Republikës së Kosovës i nacionalitetit serb, kanë hasur një sasi të mallrave të cilat dyshohet se nuk kanë kaluar nëpër procedura doganore. Në automjet kishte kryesisht mallra ushqimore (produkte me origjinë shtazore), të cilat dyshohet se drejtuesi i veturës, i kishte futur në vendin tonë nga territori i Serbisë përmes rrugëve ilegale”, thuhet në njoftim.
Policia në koordinim me prokurorin kanë iniciuar rastin ‘tregti e ndaluar’. Personi dhe vetura është dërguar në Terminal Doganor për procedura tjera.