Policia e Kosovës në pikën kufitare në Jarinjë ka arrestuar një person, i dyshuar për krime lufte kundër popullatës civile gjatë luftës në Kosovë.
Sipas njoftimit të policisë, i dyshuari për veprën penale është D.R, i cili i njëjti në komunën e Gjakovës në periudhën kohore 7-10 maj 1999 ka vepruar në grup dhe të organizuar si zyrtar të mobilizuar me njësi të përbëra nga MUP-i serb.
“Prokurori i rastit në Prokurorinë Speciale të Republikës së Kosovës është informuar për të gjitha veprimet hetimore dhe ka lëshuar aktvendimin për ndalimin e të dyshuarit për 48 orë, në përputhje me procedurat ligjore në fuqi.Policia e Kosovës është e përkushtuar të vazhdojë me hetimet dhe bashkëpunimin e ngushtë me autoritetet përkatëse për të siguruar drejtësi lidhur me krimet e luftës në Kosovë”, thuhet në njoftimin e policisë./teve1.info/
