Një person është arrestuar pasi që gjatë kontrollit i është gjetur dhe sekuestruar substancë e dyshuar narkotike e llojit marihuanë me peshë prej 9.71 gram.
Në raportin 24-orësh të Policisë bëhet e ditur se rasti ka ndodhur në Shkukëz të Gjakovës të shtunën në mbrëmje, ndërsa me vendim të prokurorit i dyshuari është dërguar në mbajtje.
“Njësiti policor gjatë patrullimit kanë vërejtur të ndaluar një automjet me targa vendore. Gjatë kontrollit, të dyshuarit mashkull kosovar i cili ishte në automjet, brenda një duksi është gjetur dhe sekuestruar substancë e dyshuar narkotike e llojit marihuanë me peshë prej 9.71 gram. I dyshuari është arrestuar dhe me vendim të prokurorit dërgohet në mbajtje”, thuhet në raport.
