Një person është arrestuar, pasi që i njëjti pas një mosmarrëveshje ka sulmuar fizikisht një vajzë e më pas ka nxjerrë me forcë nga taksi, dje në rrugën “Yll Morina” në Gjakovë.
Policia thotë se i dyshuari viktimën e ka nxjerrë me forcë nga vetura duke e zvarritur e më pas duke futur në veturën e tij, ku janë larguar në një drejtim të panjohur.
Në raportin 24-orësh është bërë e ditur se njësitë policore kanë identifikuar lokacionin, ku më pas viktimës i është ofruar ndihmë mjekësore.
I dyshuari pas intervistimit, me aktvendim të prokurorit kujdestar është dërguar në mbajtje.
Rasti në Policinë e Kosovës është iniciuar “Privim i kundërligjshëm i lirisë” dhe “ Lëndim i lehtë trupor”.
Njoftimi nga Policia e Kosovës:
Rr. Yll Morina-Gjakovë,15.09.2023-15:18.Është arrestuar i dyshuari mashkull kosovar, pasi që i njëjti pas një mosmarrëveshje me viktimën femër kosovare e cila kishte qenë në një veturë taksi, i dyshuari fillimisht e sulmon fizikisht dhe pastaj e nxjerr me forcë nga vetura duke e zvarritur dhe e futë në veturën e tij dhe largohet në drejtim të panjohur. Njësitë policore kanë identifikuar lokacionin dhe viktimës i është ofruar ndihmë mjekësore. Pas intervistimit me aktvendim të prokurorit kujdestar, i dyshuari dërgohet në mbajtje./teve1.info/
