Një person është arrestuar nga Policia e Kosovës, pasi që i njëjti dyshohet se ka kanosur me thikë babain e tij.
Njësitë policore kanë shkuar në shtëpinë e të dyshuarit, ku gjatë kontrollit në dhomën e të tij kanë gjetur dhe sekuestruar 19 gram substancë narkotike e llojit marijuanë.
Ndërkohë, me vendim të prokurorit i dyshuari është dërguar në mbajtje.
Rasti ka ndodhur mesditën e djeshme në Fushë-Kosovë.
“Është arrestuar i dyshuari mashkull kosovar, pasi që ka kanosur me thikë babain e tij viktimën mashkull kosovar. Gjatë kontrollit të dhomës së të dyshuarit është gjetur dhe sekuestruar 19 gram substancë narkotike e llojit Marihuanë. Me vendim të prokurorit i dyshuari është dërguar në mbajtje”, thuhet në njoftimin e Policisë së Kosovës./teve1.info/
