Policia e Kosovës ka arrestuar një person në Ferizaj, nën dyshimin se ka kryer sulm seksual ndaj një gruaje.
Sipas njoftimit zyrtar, rasti është raportuar të ketë ndodhur gjatë pasdites së së martës, më 28 tetor 2025, rreth orës 15:40.
“Ferizaj / 28.10.2025 – 15:40. Është arrestuar i dyshuari mashkull kosovar nën dyshimin që ka sulmuar seksualisht viktimën femër kosovare. Me vendim të prokurorit, pas intervistimit, i dyshuari është dërguar në mbajtje,” – thuhet në njoftimin e Policisë së Kosovës.
Policia ka bërë të ditur se rasti është duke u hetuar në bashkëpunim me Prokurorinë Themelore të Ferizajt, ndërsa detajet shtesë pritet të bëhen të ditura pas përfundimit të veprimeve hetimore.
“Policia është e përkushtuar të trajtojë me prioritet rastet e dhunës dhe abuzimit seksual, duke mbrojtur viktimat dhe duke ndjekur penalisht autorët e këtyre veprave,” – thuhet më tej në njoftim.
