Policia ka bërë të ditur se një person për shkak të një mosmarrëveshje ka ushtruar dhunë fizike ndaj një personit tjetër, i cili ka pranuar tretman mjekësor në Qendrën Emergjente në Ferizaj e më pastaj është liruar, shkruan Tëvë1.info
I dyshuari është intervistuar nga policia dhe me vendim të Prokurorit është dërguar në mbajtje për 48 orë.
Komunikata e plotë:
Arrestohet një person në Ferizaj
Stacioni policor në Ferizaj nga Drejtoria Rajonale e Policisë në Ferizaj, mbrëmë rreth orës 22:00 ka pranuar një informacion se, në fshatin Varosh të Ferizajt është një rast i lëndimit trupor.
Në lidhje me këtë, policia i ka marr veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet V.S (M/K) i moshës 31 vjeçar, i cili shkak i një mosmarrëveshje kishte ushtruar dhunë fizike ndaj personit tjetër me inicialet G.Z ( F/K) e moshës 27 vjeçare, duke i shkaktuar lëndime trupore . Për këtë e njëjta ka pranuar tretman mjekësorë në Qendrën Emergjente në Ferizaj, pastaj është liruar .
Policia , të dyshuarin e ka shoqëruar në stacionin policor në Ferizaj dhe pasi është intervistuar nga Njësia e Hetimeve , me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë , për procedura të mëtejme hetimore, ndërsa rasti është iniciuar ‘’Lëndim i lehtë trupor’’.
