Një person i dyshuar, shtetas mashkull kosovar, është arrestuar nga Policia e Kosovës në rrugën “Rr. Adem Jashari” në Pejë, pasi që ka kanosur zyrtarët policorë gjatë ndërhyrjes.
Gjatë verifikimit, është konstatuar se i dyshuari ishte i kërkuar edhe me një urdhëresë aktive nga gjykata. Pas arrestimit, ai është dërguar për vuajtjen e dënimit të shqiptuar më herët nga organet gjyqësore.
Hetimet për rastin janë në proces nga njësitet përkatëse.
“Është arrestuar i dyshuari mashkull kosovar, pasi që i njëjti ka kanosur zyrtaret policorë. Pasi i njëjti kërkohej edhe me urdhëresë të gjykatës është dërguar në vuajtje të dënimit” , thuhet në raportin e policisë.
