Policia e Kosovës, përmes Drejtorisë për Bashkëpunim Ndërkombëtar Policor dhe në bashkëpunim me Stacionin Policor të Malishevës, ka arrestuar një shtetas kosovar të kërkuar me urdhërarrest ndërkombëtar.
Sipas informacionit zyrtar, i dyshuari ka qenë në kërkim ndërkombëtar përmes INTERPOL-it, me urdhërarrest të lëshuar nga Republika e Shqipërisë, për veprat penale: trafikim të narkotikëve në bashkëpunim, pjesëmarrje në grup të strukturuar kriminal, futje ose mbajtje të sendeve të ndaluara në institucione të ekzekutimit të vendimeve penale, si dhe veprime të tjera të kryera nga organizata kriminale, të gjitha të sanksionuara sipas Kodit Penal të Shqipërisë.
Me urdhër të prokurorit kujdestar, i dyshuari është dërguar në ndalim policor për 48 orë, për të vazhduar më pas procedurat ligjore përkatëse./teve1.info/
