Është arrestuar dhe dërguar në mbajtje për 48 orë i dyshuari A.B. (1977) në Gjilan me dyshimin për shit-blerje të paautorizuar të substancave narkotike, raporton teve1.info
Sipas komunikatës së policisë, gjatë kontrollit të shtëpisë së të dyshuarit, Policia ka gjetur dhe sekuestruar në cilësi të provave materiale, sasi të ndryshme të substancave narkotike të dyshuar kokainë dhe heroinë, revole, fishekë, karikator, pushkë ajrore e armë të tjera të llojeve të ndryshme.
“Është kontrolluar shtëpia dhe objektet përcjellëse të të dyshuarit A.B (1977) , nën dyshimin se i njëjti ka kryer veprën penale ‘’Blerja, posedimi, shpërndarja dhe shitja e paautorizuar e substancave narkotike dhe psikotropike”, vepër kjo e sanksionuar me nenin 267 të KPRK-së. Gjatë bastisjes së shtëpisë dhe objekteve përcjellëse, në cilësi të provave materiale janë gjetur dhe sekuestruar dëshmitë si në vijim:
1. Substancë narkotike e dyshuar për kokainë – 244.8 gram,
2. Substancë narkotike e dyshuar për heroinë – 47.26 gram,
3. Dy (02) Revole Zoraki, dy karikatorë, 13 fishekë 7.65 dhe një fotrollë e armës,
4. Një (01)Pushkë ajrore – shurdhues artizanal,
5. Një (01) sëpate e vogël,
6. Gjashtë (06) thika,
7. Një (01) Elektroshok,
8. Një (01) Pako e cigareve me hapa,
9. Dy (02) peshore,
10. Katër (04)telefona celular,
11. Dy (02) folie të cilat shërbejnë për mbështjellje dhe tymosje,
12. Një (01) fishek të kalibrit 8.57,
13. Një dozë kokainë e gatshme për shitje,
14. Pluhur i bardhë i dyshuar (sode bikarbonat),
15. Shiringë,
16. Tableta,
17. Enë për tymosje te narkotikut,
18. Fishekë me gas,
19. Qese për paketim dhe kuti e zbrazët për ruajtje të narkotikëve”, thuhet në komunikatë.
I dyshuari është shoqëruar për intervistim dhe në konsultim me Prokurorin kujdestar në Gjilan, i njëjti është dërguar në mbajtje për 48 orë.
