Policia e Kosovës, të enjten, ka arrestuar një person të dyshuar për kryerjen e veprës penale falsifikim dokumenti.
Sipas njoftimit, drejtoria për Hetimin e Krimeve Ekonomike dhe Korrupsionit (DHKEK) në Gjilan, pas një pune operative dhe hetimore, ka grumbulluar dëshmi për një person të dyshuar mashkull i cili dyshohet se kishte siguruar dhe përdorur patentë shofer të Republikës së Kosovës që dyshohet se është i falsifikuar.
“Lidhur me rastin, patentë shoferi është sekuestruar nga i dyshuari dhe nga departamenti për patentë shoferë është vërtetuar se i njëjti nuk është lëshuar nga institucioni përkatës. Gjatë zhvillimit të procedurave hetimore, i dyshuari ka pranuar se këtë patentë shofer të falsifikuar e kishte pranuar nga një person i panjohur dhe se kishte paguar një shumë parash për ta siguruar patentën”, thuhet në njoftim.
I njëjti pas intervistimit të tij në prezencë të avokatit, me aktvendim të prokurorit të çështjes është ndaluar për 48 orë./teve1.info/
