Një person i dyshuar për së paku shtatë raste të grabitjeve dhe tentim grabitjeve të armatosura është arrestuar të martën nga hetuesit policor të kryeqytetit.
Në njoftimin e Policisë thuhet se këto raste kanë ndodhur kohëve të fundit në Prishtinë.
Ndaj personit të dyshuar bëhet e ditur se me aktvendim të nxjerrë nga ana e prokurorit të shtetit, është shqiptuar masa e ndalimit policor prej 48 orësh.
“Aktualisht po vazhdon puna hetimore në koordinim edhe me Hetuesit Rajonal, për zbardhjen e plotë të dyshimeve të ngritura për implikimin e të dyshuarit edhe në disa raste të tjera që po hetohen nga ana e policisë”, thuhet në njoftim./teve1.info/
