Policia e Kosovës ka arrestuar në vendkalimin kufitar në Morinë, 29-vjeçarin me inicialet A.M.
I njëjti ishte në kërkim nga policia për një rast të dyshuar të mashtrimit që kishte ndodhur në nëntor të vitit 2021.
Siç njoftohet, ai dyshohet se kishte shitur një veturë të cilën do të duhej të dërgonte për servisim.
“Mbështetur në rezultatet e para të hetimit, Policia ka ngritur dyshimin e bazuar se i dyshuari, duke keqpërdorur besimin, kishte shitur veturën e ankuesit (veturë e tipit Ferrari, vlera 250 000 euro), të cilën e kishte marrë nga ankuesi për ta dërguar për servisim jashtë vendit”, thuhet në njoftimin e policisë.
Me vendim të prokurorit, i njëjti është dërguar në Qendrën e Mbajtjes për 48 orë.
