Një person është arrestuar, nën dyshimin se i njëjti ka sulmuar ekipin e gazetës Nacionale, sot në Prizren gjatë protestës së mbajtur kundër festivalit të filmit “DokuFest”.
Lajmin për teve1.info e ka konfirmuar zëdhënësi i Policisë së Kosovës, Vesel Gashi, i cili tha se personi i arrestuar dyshohet për sulm.
Ndaj të dyshuarit, prokurori ka iniciuar rastin “Sulm ndaj personit zyrtar”.
Gjatë ditës së sotme në Prizren është thirrur protesta kundër festivalit të filmit “DokuFest”, me thirrje “kundër degjenerimit”.
Përmes një reagimi publik, Asociacioni i Gazetarëve të Kosovës (AGK) ka thënë se është i tronditur me sulmin ndaj ekipit të portalit Nacionale, gazetarit Vullnet Krasniqi dhe kameramanit, Arbër Latifi në Prizren./teve1.info/
