Pas disa hetimeve disa mujore është arrestuar personi H.S., në dyshimin për spiunazh.
Prokuroria Speciale ka bërë të ditur se aksioni dhe arrestimi i të dyshuarit u zhvillua në bashkëpunim me Policinë e Kosovës, si dhe me asistencë të Agjencisë së Kosovës për Inteligjencë (AKI).
“Prokurori i shtetit nga PSRK-ja, ndaj të dyshuarit ka nxjerrë aktvendim për ndalim prej 48 orësh dhe ndaj të njëjtit do të ndërmerren të gjitha veprimet e nevojshme hetimore për zhvillimin e suksesshëm të procedurës penale”, thuhet në njoftimin e Prokurorisë.
Ndërkohë, me urdhëresë është kryer edhe bastisje në dy lokacione, ku janë sekuestruar prova materiale, përfshirë telefona që dyshohet se janë përdorur nga i dyshuari për kryerjen e veprës penale.
“Po ashtu, në bazë të urdhëresës së gjykatës kompetente, është kryer edhe bastisje në dy lokacione në Kosovë, ku janë sekuestruar prova materiale, përfshirë edhe disa telefona, që dyshohet se janë përdorur nga i dyshuari gjatë kryerjes së veprës penale./teve1.info/
