Një person është arrestuar të mërkurën nga zyrtarët e Njësitit të Hetimeve të Përgjithshme në Prishtinë, lidhur me një rast grabitjeje që kishte ndodhur më 10 nëntor 2025, në rrugën “Halil Alidemaj” në kryeqytet.
Sipas njoftimit të Policisë, pas veprimeve operative dhe hetimore, është identifikuar dhe arrestuar H. Sh., 19 vjeç, shtetas i Kosovës.
“Me vendim të prokurorit të shtetit, i dyshuari është dërguar në mbajtje, ndërkohë që hetuesit po punojnë për arrestimin e dy personave të tjerë të dyshuar për të njëjtin rast,” thuhet në njoftim.
