Një person është arrestuar në Fushë-Kosovë nën dyshimin se ka kryer veprën penale të dhunimit ndaj një gruaje.
Policia e Kosovës ka bërë të ditur se i dyshuari është dërguar në mbajtje për 48 orë, me vendim të prokurorit të shtetit.
“Është arrestuar i dyshuari mashkull kosovar për shkak se kishte kryer veprën e lartcekur ndaj viktimës femër kosovare. I dyshuari, me vendim të prokurorit, është dërguar në mbajtje për 48 orë”, thuhet në raportin e Policisë së Kosovës.
Hetimet lidhur me rastin janë duke vazhduar, ndërsa autoritetet nuk kanë dhënë detaje të tjera për identitetin e të dyshuarit dhe viktimës, për të ruajtur privatësinë dhe integritetin e palëve të përfshira.
