Prokuroria Speciale e Kosovës të premten ka arrestuar një grua nën dyshimin për veprën penale të spiunazhit.
Ajo është ndaluar për 48 orë, derisa të njëjtës po i bastiset banesa në rajonin e Mitrovicës.
“Prokuroria Speciale e Republikës së Kosovës (PSRK), njofton opinionin publik se pas zhvillimit të hetimeve disa mujore, në bashkëpunim me Policinë e Kosovës – Drejtorinë Kundër Terrorizmit dhe Agjencinë e Kosovës për Inteligjencë, sot në mbrëmje, në regjionin e Mitrovicës ka arrestuar një person, për shkak të dyshimit të bazuar, se në bashkëkryerje e ka kryer veprën penale “Spiunazhi”, nga neni 124 paragrafi 3 lidhur me nenin 31 të KPRK-së”, thuhet në njoftim./teve1.info/
