Një person është arrestuar pasi që i njëjti (vjehrri) ka tentuar ta marrë me forcë mbesën e tij për t’u përkujdesur përkundër dëshirës së nënës së saj në Vushtrri.
Në raportin policor thuhet se gjatë kontrollit dhe bastisjes së shtëpisë së të dyshuarit janë gjetur dhe konfiskuar një pistoletë dhe një pushkë ajrore.
Policia ka bërë të ditur se me vendim të prokurorit, i dyshuari pas intervistimit është dërguar në mbajtje.
“Vushtrri 27.06.2025 – 14:30. Është arrestuar i dyshuari mashkull kosovar nën dyshimin se i dyshuari-vjehrri ka tentuar që me forcë të marrë vajzën e djalit-mbesën për t’u përkujdesur përkundër dëshirës së viktimës nënës së fëmijës. Po ashtu gjatë kontrollit-bastisjes në shtëpinë e të dyshuarit janë gjetur dhe konfiskuar edhe një pistoletë dhe një pushkë ajrore. Me vendim të prokurorit, i dyshuari pas intervistimit është dërguar në mbajtje”, thuhet në raport./teve1.info/
