Arrestohet një burrë në Prizren, dyshohet se tentoi ta dhunojë të dashurën

Një person është arrestuar në Prizren nën dyshimin se ka tentuar ta dhunojë të dashurën e tij.

Policia ka bërë të ditur se viktima ka pranuar trajtim mjekësor.

“Është arrestuar i dyshuari mashkull kosovar, pasi që kishte tentuar që me forcë dhe pa dëshirën e të dashurës së tij viktimës femër kosovare të kryej marrëdhënie seksuale. Viktima ka pranuar tretman mjekësor”, thuhet në raportin ditor.

Ndërkaq, me vendim të prokurorit, i dyshuari është dërguar në mbajtje.