Policia e Kosovës ka arrestuar një 32-vjeçare të dyshuar për veprën penale “grabitje”.
Rasti sipas policisë, ka ndodhë me datë 11 mars në një market, ku punëtores së marketit nën kërcënimin e armës së ftohtë, i janë marrë një shumë e parave.
Sipas njoftimit të policisë, e dyshuara me vendim të prokurorit është dërguar në mbajtje.
“Dje nga njësitet policore të stacionit Fushë Kosovës, është arrestuar një person i dyshuar për veprën grabitje, që ka ndodhë me datën 11.03.2025, në një market, ku punëtores së marketit nën kërcënimin e armës së ftohtë thikë, i janë marrë një shumë e parave. Puna e zyrtarëve policor, është finalizuar mbrëmë , ku pas marrjes së disa veprimeve operative kanë arrite që të identifikojnë dhe arrestojnë personin e dyshuar: femër 32 vjeçare, shtetase e Republikës së Kosovës. E dyshuara me vendim prokurorit të shtetit është dërguar në mbajtje”, thuhet në njoftimin e policisë./teve1.info/
