Policia e Kosovës ka arrestuar një person për marrje me fajde në Prizren.
Sipas PK-së i arrestuari F.SH, 32 vjeç është arrestuar pas veprimeve të përbashkëta me Prokurorinë Themelore në Prizren.
“Gjatë operacionit është kontrolluar edhe shtëpia dhe objektet përcjellëse të të dyshuarit me ç’rast janë sekuestruar dëshmi që kenë lidhje me rastin”, thuhet në komunikatë.
Pas arrestimit i dyshuari është intervistuar në prezencë të avokatit mbrojtës. Me aktvendim të Prokurorit të Shtetit i dyshuari është dërguar në mbajtje për 48 orë.
