Në njoftimin e policisë thuhet se i dyshuari ia kishte vendosur flakën një veture me targa vendore e cila kishte qenë e parkuar në parking.
I njëjti sipas policisë ka pranuar se kishte vënë flakën qëllimisht veturës.
“Është arrestuar i dyshuari mashkull kosovar pasi që i njëjti ia kishte dhënë flakën një veture me targa vendore e cila kishte qenë e parkuar në parking. Gjatë intervistimit, i dyshuari kishte pohuar se qëllimisht ia kishte dhënë flakën veturës së lartcekur”, thuhet në njoftim.
Tutje policia bëri të ditur se i dyshuari kishte probleme psikike, dhe kjo sipas policisë është vërtetuar edhe me raportin mjekësor.
“Është mësuar nga familjarët e të dyshuarit se i njëjti ka probleme psiqike dhe për këtë e kanë vërtetuar me raporte mjekësore”, thuhet tutje në njoftim.
Kurse me vendim të prokurorit rasti është duke u proceduar në procedurë të rregullt. /teve1.info/.
