Një 31-vjeçar nga Kosova është arrestuar nga policia shqiptare, pasi të njëjtit i është gjetur vazo me kanabis në makinë.
Sasia e kanabisit u gjetë pas kontrolles në çantën e tij nga policia, pasi u ndalua nga Policia Kufitare e Kakavijës në dalje të Shqipërisë.
“Shërbimet e Policisë Kufitare Kakavijë, në kuadër të intensifikimit të kontrolleve të bazuara në analizën e riskut, për parandalimin dhe goditjen e krimeve kufitare, në dalje të RSh-së, kanë goditur një rast të veprimtarive kriminale në fushën e narkotikëve.
Gjatë kontrollit në vijën e dytë, në çantën e shtetasit G. Sh., shërbimet e Policisë Kufitare gjetën një sasi lënde të dyshuar narkotike kanabis, e cila u sekuestrua në cilësinë e provës material”, thuhet në njoftim.
Materialet procedurale i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
