Policia e Kosovës në Rahovec kanë arrestuar një persona për marrje me bixhoz.
Sipas komunikatës së PK-së pas urdhrit të lëshuar nga Gjykata, janë kryer tri kontrolle në tri lokacione të ndryshme, dhe në njërin nga ta në Krushë të Madhe është arrestuar i dyshuari të cilit i janë sekuestruar edhe para.
“Në fshatin Krushë e Madhe-Rahovec është arrestuar i dyshuari B. B., i lindur në vitin 1985, shtetas i Republikës së Kosovës si dhe në cilësinë e provave materiale janë sekuestruar dy telefona mobil dhe një shumë parash të cilat dyshohet se janë përdorur për kryerjen e veprës penale.
Policia ka bërë të ditur se pas intervistimit dhe përfundimit të procedurave tjera policore, me vendim të Prokurorit të Shtetit i dyshuari është ndalur në mbajtje për 48 orë.
Ndaj tij është iniciuar rast penal për hetim “Organizim i skemave piramidale dhe bixhozit të paligjshëm”./teve1.info/
