Policia e Kosovës ka njoftuar se një person i kërkuar ndërkombëtarisht është arrestuar të mërkurën pasdite në Prishtinë.
Sipas njoftimit, arrestimi i të dyshuarit është bërë pas realizimit të një operacioni nga njësia FAST me mbështetjen e Njësisë Rajonale për Reagim të Shpejtë (NJRSH) dhe në bashkëpunim të ngushtë me Prokurorinë e Krimeve të Rënda.
I njëjti është ndaluar për 48 orë për procedura të mëtejshme ligjore.
“Sonte ne orët e pasdites, në Prishtinë, Njësia FAST, me mbështetjen e Njësisë Rajonale për Reagim të Shpejtë (NJRSH) – Prishtinë, ka realizuar me sukses një aksion policor, duke arrestuar një person në kërkim ndërkombëtar. Operacioni është zhvilluar në bashkëpunim të ngushtë me Prokurorinë e Krimeve të Rënda në Prishtinë, dhe personi i arrestuar është ndaluar për 48 orë për procedura të mëtejshme ligjore.Policia e Kosovës mbetet e përkushtuar në luftën kundër krimit dhe bashkëpunimin me partnerët ndërkombëtarë për të sjellë para drejtësisë individët që kërkohen për vepra të ndryshme penale”, thuhet në njoftim.
