Policia e Kosovës ka arrestuar një person të dyshuar në Podujevë për sulm seksual ndaj një të miture. Rasti dyshohet se ka ndodhur gjatë muajit shtator.
Sipas raportit të Policisë së Kosovës, i dyshuari është një mashkull kosovar, ndërsa viktima është një femër kosovare e mitur.
“Është arrestuar i dyshuari mashkull kosovar, pasi që kishte sulmuar seksualisht viktimën femër kosovare – e mitur. Me vendim të prokurorit i dyshuari është dërguar në mbajtje,” thuhet në njoftimin e PK-së.
Autoritetet kanë bërë të ditur se rasti është duke u trajtuar nga organet kompetente.
